Realizada por: Astúricu
Al Druida: A todos los Druidas
Formulada el domingo, 30 de octubre de 2005
Número de respuestas: 57
Categoría: Temas Históricos y Artísticos
Es Asturies una nación?
Es Asturies un Nación?
Ye Asturies una Nación?
D'un tiempu p'acá cada vez son más los partíos políticos, asociaciones de tou tipu y colectivos que reclamen que l'Estáu hespañol reconoza a Asturies como una de les Naciones históriques, acordies cola so cultura y llingua propia, y tradición como pueblu. Dientro de la política entamada pol presidente del goviernu hespañol Rodríguez Zapatero de reconocer a toles naciones con un estatus especial, económicu y políticu na futura redacción de la Constitución hespañola y na qu'Asturies, como Nación histórica nun pue nin debe quedar al marxe. Asina ye polo menos la terminoloxía que se baraxa dende'l Goviernu central pa definir a les futures Comunidaes Autónomes que gozarán de mayores prerrogatives polítiques y económico-fiscales dientru d'un hipotéticu Estáu hespañol plurinacional, federal y asimétricu. Nesti sentíu tolos partíos asturianos salvo el FSA-PSOE manifestáronse a favor de la consideración d'Asturies como una de les comunidaes de primer categoría política. En concretu, el PP manifestó que diba reclamar p'Asturies la mesma consideración política que puea obtener Cataluña onde se pide una definición política expresa de nación na futura redacción constitucional. N'Asturies, los partíos más reacios a reconocer a Astureis como Nación asina como la Oficialidá de la so llingua siguien siendo el PSOE y el PP que siguen pregonando n'Asturies un desfasáu centralismu madrilanu que yá nun esiste nel propiu Estáu, vaciáu de competencies polítiques. Los demás partíos asturianos PAS, URAS, vienen apostando pola reclamación de la nacionalidá p'Asturies y vienen cellebrando los Díes de la Comunidá como Díes de la Nación Asturiana y cellebren tamién congresos "nacionales" asturianos de los sos partíos. Otros partíos asturianos vienen reclamando que se reconoza política y oficialmente a Asturies como Nación y la futura igua de la constitución hespañola afirmen que ye'l mediu más afayadizu pa llevalu a cabu. Al empar que se vien reclamando notres Comunidaes Autónomes, Asturies nun quier ser menos que naide y reclama que non ya por historia, llingua, tradiciones y vezos estremaos, por derechu antigu, instituciones históriques, por voluntá de siguir como pueblu y por ser antigu Reinu, el vieyu País Asturianu seya por fin reconocíu como Nación sinon que pola sola voluntá de los sos integrantes la Comunidá asturiana seya reconocida como tala nación, xunta colos sos derechos históricos, territoriales y políticos, al empar d'otres Comunidaes. Otres opiniones n'Asturies lleguen inclusu más allá y afirmen qu'Asturies ye la primera en tener derechu a la so reconocencia como nación histórica ya que foi la primera en fundar un Reinu independiente y soberanu. Asturies cunta amás con parlamentu y goviernu propiu dende'l sieglu XIV a través de la Xunta Xeneral d'Asturies suprimida en 1834 y reinstaurada en 1981. El Derechu Civil Asturianu, ta en víes de codificación, lo que supondría otra competencia esclusiva por derechu históricu, asina como'l derechu históricu a la so reintegración territorial a través de la reincorporación a Asturies d'aquellos conceyos asturianos que nun determináu momentu dexaron de selo por decisión alministrativa.
No uses esta información en otros sitios web ni publicaciones, sin el permiso del autor y de Celtiberia.net
Tu único clic no la borarrá, pero contribuirá a que la sabiduría del grupo pueda funcionar correctamente.
1916... yera una dómina guapa. Asturies diba vientu en popa, los indianos construyíen palacios y escueles onde enantes había miseria, Asturies sumninistraba carbón (la enerxía del momentu) y aceru a tola península...Un país prósPeru que podía suañar con facer opciones polítiques propies, estatutos y fueros,,, Pero too esto foi antes de la llegada de los fascismos y de la intervención de los militares hespañoles, que terminó too col golpe de Primu de Rivera y de la derecha filofascista y que yá sabemos como acabó too, na guerra del 36.
2006 La casa editorial Trabe tien previsto asoleyar pa últimos d'esti mes d'abril la obra "La nación (im)posible (Reflexiones sobre la ideología nacionalista asturiana)" de la que ye autor l'investigador Pablo San Martín Antuña y que s'enconta mayormente nel trabayu pa la que foi la so tesis doctoral.
La presentación del llibru introduz al nacionalismu asturianu como ún de los movimientos ideolóxicos que se reformularon dende finales de los años sesenta, d'un Periodu nuevu na política española contemporánea qu'entamó cola acabación del Franquismu, un Periodu de ferviella ideolóxica na que guañaron estremaes ideoloxíes qu'aspiraben a redefinir la realidá social en términos nuevos pa ocupar el güecu que diba dexar ermu l'ideariu franquista, ente ellos los nacionalismos Periféricos y ente ellos l'asturianu.
Partiendo d'esta base, la obra de Pablo San Martín fai un estudiu en profundidá sobre'l movimientu nacionalista asturianu, el so surdimientu y construcción ideolóxica, la xenealoxía de los elementos discursivos asturianistes concasándolos col discursu nacionalista, y la construcción d'una narrativa histórica con esos elementos por parte del mesmu movimientu nacionalista.
A lo llargo del llibru analícense los principales fechos históricos, l'actuación de los protagonistes y los trunfos y fracasos d'esti movimientu políticu, retrucando, dende los presupuestos de les corrientes de pensamientu críticu europees, munches de les entrugues lóxiques que surden al intentar interpretar el nacionalismu asturianu, como'l saber d'au proceden los elementos inxertos nel proyectu nacionalista y la evolución del significáu de los mesmos.
Pablo San Martín Antuña (Uviéu 1974) ye Doctor en Ciencies Polítiques pola Universidá del País Vascu y profesor na universidá inglesa de Leeds. Gran estudiosu de la historia del nacionalismu asturianu, Pablo San Martín yá asoleyare va tiempu la obra "Asturianismu políticu: 1790-1936" na qu'ellabora un esquema de los elementos asturianistes presentes nel discursu políticu dende'l tiempu de Xovellanos hasta la Guerra Civil.
“La nación (im)posible. Reflexiones sobre la ideología nacionalista asturiana”
Pablo Rodríguez Alonso -21/09/2006-
L’historiador Pablo Rodríguez Alonso analiza los pegoyos teóricos en que se tien la obra de pablo San Martín qu'analiza, por primer vegada, la construcción del discursu nacionalista asturianu dende una Perspectiva sociolóxica.
Deconstuyir la ideoloxía nacionalista asturiana, topar algunes de los sos claves más relevantes y los sos fundamentos ye lo que pretende Pablo San Martín (Uviéu, 1974) con esta obra, que significativamente tien por títulu "La nación (im)posible. Reflexiones sobre la ideología nacionalista asturiana". Una investigación que constituyó la so tesis doctoral na Universidá del País Vascu, un fechu históricu nel sentíu que foi la primer vez que'l nacionalismu asturianu yera'l tema central d'una investigación d'esta triba, nesti casu na estaya de la socioloxía. De toles formes yá foi un tema tratáu por esti autor, anguaño profesor titular d'estudios hispánicos na Universidá de Leeds, por mor que ye artífice de la obra "Asturianismu políticu" (Trabe, 1998), del estudiu introductoriu de la reedición de la "Doctrina Asturianista" (Nueva Asturies, 1999) o del prólogu a la recopilación de les fueyes de Conceyu Bable en Asturias Semanal, nesti casu xunto al profesor de filoloxía Xulio Viejo ("Conceyu Bable n'Asturias Semanal 1974-1977". Trabe, 2004).
A lo llargo de la tesis el sociólogu asturianu va analizando ya interpretando distintes claves tanto nel discursu ideolóxicu del nacionalismu asturianu/asturianismu d'anguaño como los sos raigaños históricos, remontándolos hasta l'ilustráu Xovellanos, y Percorriendo un camín que lu lleva a figures como Caveda o grupos como La Quintana, la Junta Regionalista, l'IDEA o Conceyu Bable ente otros. Pa ello emplega un enfoque metodolóxicu que podríase calificar de "postmodernu", por cuanta de qu'echa mano d'un aparatu analíticu fundamentáu nel análisis de discursu (analisis d'estremaos materiales como "testos"), nel deconstructivismu inspiráu en Derrida, y nes teories psicoanalítiques lacanianes.
En cuanto a les fontes, ye enforma positivo qu'a la bayura de material escritu lo mesmo primariu que secundariu qu'emplega haya que suma-y parte del material de les 34 entrevistes feches a distintes Persones venceyaes d'un o otru mou al asturianismu cultural o políticu. Y ye que munchos estudios sobre'l nacionalismu coxiquen d'un elementu fundamental, da-y voz a los propios protagonistes, espeyar la Perspectiva emic, esto ye, la Perspectiva del "participante" nesti casu na "comunidá nacionalista asturiana". Por embargu rescampla na llectura un fechu, y ye que l'análisis que Percuerre'l sieglu XX pasa de les iniciatives rexonalistes que se producen nes dos primeres décades direutamente hasta'l franquismu, nun saltu al vaciu que dexa ermo l'análisis dende 1923 hasta 1939, dando la impresión de que pa l'autor ente esos años nun pasó nada relevante. Puede que nel tema que toca la so tesis nesos años a xuiciu del sociólogu asturianu nun asocediera nada especialmente relevante pal asturianismu, Pero anque fuere asina, eso tamién habría qu'esplicalo. Los "vacíos" tienen d'analizase. Asimesmo, nun afita claramente la distinción conceptual ente nacionalismu, asturianismu y rexonalismu, lo que lleva arreyao una cierta confusión nes corrientes históriques y nos protagonistes que l'autor engloba baxo estos términos.
Ye un llibru densu, bien fundamentáu y enforma consecuente colos sos entamos metodolóxicos y el so corpus teóricu. Una obra que conclui que más allá de "comunidaes imaxinaes" como les definió Benedict Anderson nel so célebre trabayu del mesmo títulu, "las naciones, como cualquier otra colectividad social, son IMPOSIBLES, Pero no porque no existen en la realidad, sino porque no pueden resistir lo Real. Las naciones, en cuanto a horizonte fantasmagórico de la ideología nacionalista, no son más que discursos políticos organizados alrededor de un significante vacío de comunidad, al que se intenta dar un contenido particular" (Páxs. 383-384). En definitiva, na tesis esplicase'l conceutu de nación (seya asturiana, española, vasca, francesa, etc.) como discursu que nunca llega a ser hexemónicu y polo tanto pleno, que por embargu pretende llegar a ser la "realidá" Pero que fracasa y s'imposibilita o frustra delantre de lo que l'autor llama lo Real ("aquello que no puede ser simbolizado, aquello que se nos escapa". páx. 385). Un estudiu estrao de teoríes a lo menos suxerentes, particularmente no que cinca al Periodu franquista y al so tratamientu de "lo asturiano" y el camín que s'abrió darréu d'ello. Una llectura del asturianismu mui Personal, arriesgada en ciertes partes, Pero imprescindible pa toles Persones interesaes na ideoloxía nacionalista asturiana.
Asturicu: Podrías escribir algo sobre el maquis en Asturias y si tuvo algún tipo de vinculación con el nacionalismo? Tengo entendido que estos grupos eran casi exclusivamente comunistas. Sabrías algo de la trayectoria política de guerrilleros concretos y sobre las zonas en que actuaban partidas concretas?
Salve Astúricu. ¿Sabes algo de la colección de Gaspar Meana "La Crónica de Leodegumdo" , si continúa, continuará o si hay algún modo de conseguirla?
Sería una lástima que no se explotase más esa historia que no deja de ser una historia de España y de Europa y cuyo formato ( el cómic) resulta atractivísimo para la gente joven y no tan joven.
Claro que é unha nacion e por suposto non son españois. Ninguén quere ser español, ¿porque sera? Aqui hai moito nacionalista español pareceme a min
La crónica de Leodegundo ye una llarga riestra de llibros en cómic que cunta la historia de la nación asturiana moderna dende enantes de formase'l Reinu d'Asturies hasta'l sieglu IX, esto ye 180 años Perimportantes del nacimientu d'Asturies como Estáu independiente.
Paez ser qu'esta crónica remató Pero sedría interesante que l'autor continuara colos sieglos siguientes, esto ye, el trespasu de la capital del Reinu dende Uviéu a Lleón y la partición del Reinu en trés en morriendo Alfonsu III el Grande y la rexuntura, polo menos hasta la secesión de Portugal y Castiella. Sedría interesante que continuara.
El dibuxante xixonés Gaspar Meana pon puntu final a l’ambiciosa hestoria en cómic de la Monarquía Asturiana
EL TRABAYU
- Títulu: ‘La crónica de Leodegundo’.
- Guión y dibuxos: Gaspar Meana González (Xixón, 2 d’abril de 1960).
- Editorial: Llibros del Pexe, de Xixón.
- Entregues: 25 volumes de 48 páxines caún. El caberu tomu va asoleyase nel añu 2006.
- Periodu hestóricu: narra los grandes fechos d’Asturies, Europa, el Magreb y Oriente Prósimu a lo llargo de 180 años (sieglos VIII y IX).
Tien 45 años y dende los 28 trabaya nun proyeutu que-y arrampuñó «fines de selmana y vacaciones, porque nun vivo d’esto», dexa claro. El xixonés Gaspar Meana, collaborador d’EL COMERCIO, entrega la valoración al desánimu nel recuentu de los díes cuntaos con una obra en llingua asturiana que nun llogró la reconocencia que meritaba. «L’asturianismu tien el privilexu de cuntar con una hestoria en cómic ensin parangón en nenguna otra llingua ibérica al marxe del castellanu, porque nun hai nengún otru chifláu dispuestu a facela por amor al arte, y sicasí hai llectores n’asturianu que nun saben qu’esiste», llamenta enantes d’almitir que «con eses y con too siéntome arguyosu del mio trabayu».
Gaspar Meana bombía estos díes la tinta de los caberos llatíos de ‘La crónica de Leodegundo’ (Editorial Llibros del Pexe), un ambiciosu trabayu col que l’ilustrador recuerre, en guión y dibuxos propios, 180 años d’hestoria del reinu d’Asturies y del mundu conocíu que lu envolvía nos sieglos VIII y IX de la era cristiana. Los volumes 23 y 24 aprucen a les llibreríes esti añu y el númberu 25 va facelo pa 2006, zarrando la saga.
L’autor ta afechando’l llabor na casa familiar de Les Quintanes, recorrida poles güelgues de la so afición a la Hestoria y la vocación d’ilustrador formáu en Diseñu y Dibuxu Publicitariu na Escuela d’Artes y Oficios d’Uviéu. Una montonera de llibros, reproduiciones de bustos grecorromanos y pintures de temática relixosa y estilu bizantinu a les que dio alma la so mano ambienten la vivienda-estudiu dende la que viaxa nel tiempu pa narrar fechos a los que-y pon la firma de Leodegundo, un monxe benedictinu que nel sieglu X escribió, nun monasteriu de la rodiada d’Uviéu, una crónica de la monarquía asturiana.
L’autor escoyó aquellos fechos porque «toa Persona tien na cabeza dalgún Periodu hestóricu que-y presta y a mi siempre m’interesaron enforma’l de la monarquía asturiana y l’antiguu Exiptu».
Siñala que la de ‘La crónica de Leodegundo’ «foi la única dómina en qu’Asturies resultó decisiva pal devenir de tola península ibérica» y anque camenta que «los asturianos tenemos el mesmu drechu qu’otros a ser nacionalidá hestórica», él renuncia, «como asturianu, a esa reivindicación, porque relaciono los nacionalismos col amor propiu. Nun se pue salir alantre ensin amor propiu, Pero paezme que nestos díes l’escesu d’amor propiu empieza a ser enfermizu».
La hestoria naz nel corazón del reinu astur, anque a traviés de los Personaxes l’aición viaxa a llugares tan llonxanos ente sí como Toledo y Roma, Siria y Francia, Portugal y Exiptu, Al-Andalus y Mesopotamia. L’ilustrador sorprende al afirmar que, diecisiete años dempués d’entamar, «me siento más arguyosu del guión que de los dibuxos. Si pudiere facelo, agora nun diba cambiar más qu’una o dos páxines del guión, Pero sí l’estilu de dibuxu de les siete primeres entregues».
‘La crónica de Leodegundo’ compón una hestoria afayadiza pa una suPerproduición cinematográfica. L’autor reconoz que «diba costar una fortuna» Pero constata que «la Hestoria ta enllena de capítulos fascinantes y la industria cinematográfica siempre acaba faciendo películes de Xuana d’Arcu o del Rei Arturo».
L’Exiptu de Tolomeo IV
Gaspar Meana yá tien proyeutos sucesores de ‘La crónica de Leodegundo’. Lleva munchos años dándo-y vueltes a la idea de facer una hestoria en cómic del antiguu Exiptu, centrándola nel reináu de Tolomeo IV, anque tamién-y prestaría ellaborar dalgo alrodiu de la dinastía sasánida, que gobernó en Persia ente los sieglos III y VII. Nesi Periodu, apunta, «hubo un sha que llegó al poder apoyáu por una secta comunista a la que dempués traicionó».
«Ramiro I llegó al tronu del reinu por un güelpe d’Estáu»
Gaspar Meana ye categóricu al confesar el móvil de la so obra. «L’oxetivu últimu de ‘La crónica de Leodegundo’ ye desenmascarar a Ramiro I, porque ye un dolor que siga figurando como rei llexítimu d’Asturies. Los llibros dan por bono qu’Alfonso II quixo dexa-y el tronu a Ramiro I, cuando yo sostengo qu’ésti últimu llegó al poder por un guelpe d’Estáu contra’l vieyu Nepociano, que designara Alfonso II como rei de transición».
L’ilustrador empezó a pescudar y descubrió que «les cróniques del Reinu d’Asturies mentíen, porque la Hestoria la escriben los vencedores». Sigún la so teoría, afitada en dellos artículos tovía inéditos, Ramiro I yera «enemigu declaráu d’Alfonso II» y aprovechó la llegada a Xixón d’un centenar de naves normandes pa dar un vuelcu hestóricu. Cola invasión normanda, Nepociano unvió emisarios pidiendo l’ausiliu de toles güestes del reinu; una parte del exércitu asturianu lluchaba n’Álava contra los musulmanes y namás respondieron al so llamáu los homes que tenía al mandu Ramiro I en Lugo, que volvieron y s’adueñaron del poder. Darréu, diz el dibuxante, «entamó una represión brutal contra los sos enemigos».
Gaspar Meana conclui afirmando que «invertí diecisiete años nesti proyeutu pa dar a la xente una visión hestórica distinta, porque ye fundamental saber quiénes somos y tener el xuiciu llimpiu».
--------------------------------------------------------------------------------
http://dreamers.com/asturieta/leodegundo.htm
http://dreamers.com/asturieta/gaspar.htm
....................................................................................
La Crónica de Leodegundo
La Crónica de Leodegundo es un relato histórico acerca de la monarquía asturiana e historia de Europa, el Magreb y Oriente próximo creado por Gaspar Meana González. La historia está escrita en formato de comic y abarca alrededor de 180 años de historia concentrada en los siglos VIII y IX. El conjunto de la obra consta de 25 comics escritos en asturiano, de 48 páginas cada uno y está editado en Gijón por por Llibros del Pexe.
Tabla de contenidos
1 Volúmenes
1.1 El cantar de Liuva
1.2 El cantar de Teudán
1.3 El cantar de Piniol
1.4 Epílogu
Volúmenes
La colección está dividida en veinticinco libros que se dividen en cuatro bloques, que son:
El cantar de Liuva
I.- La Mesa de Salomón [711-715 d.C.] (1991)
II.- El señor de los Xenios [715-718 d.C.] (1992)
III.- El Monte Sagrau [718-724 d.C.] (1992)
IV.- La Diosa Vengatible [724-743 d.C.](1993)
V.- Malike de la Ciudá en sin Terminar [743-758 d.C.] (1993)
VI.- El Rei que Nunca Nun Hubo [758-772 d.C.] (1993)
El cantar de Teudán
VII.- La Sombra l'herexe [772-784 d.C.] (1994)
VIII.- L'Anxelde la Quinta Trompeta [784-796 d.C.] (1994)
IX.- La Nuesa Señora d'Aquisgrán [796-798 d.C.] (1995)
X.- Tres del Elefante [798-800 d.C.] (1995)
XI.- Embaxo'l Iwan Curso [800-803 d.C.] (1996)
XII.- Jacob en Betel [803-806 d.C.] (1996)
XIII.- Carmen de Luna [806-807 d.C.] (1996)
XIV.- El llugar de la Paz [807-814 d.C.] (1997)
El cantar de Piniol
XV.- Nel País de los Mairús [814-817 d.C.] (1997)
XVI.- Revolución [817-818 d.C.]
XVII.- Fíos de Troya [818-833 d.C.]
XVIII.- Empreador y penitente [833-834 d.C.]
XIX.- Mahamud y el fíu de la Perdición [834-841 d.C.]
XX.- La bestia y el corderu [841-844 d.C.]
XI.- Harmaxedón [844 d.C.]
XII.- Casa de gloria y dominación [844-845 d.C.]
XIII.- Metratón N´arabot [845-846 d.C.]
XIV.- Xuiciu final [846-850 d.C.]
Epílogu
XXV.- La última pallabra [850-960 d.C.] (2006)
.........................................................................................................................
LA CRÓNICA DE LEODEGUNDO.
Editorial Llibros del Pexe, S.L. C/SanBernardo 22, 3ºdcha. 33201 Xixón. (Asturies)
pexe@asturies.org
Hay 57 comentarios.
página anterior 1 2