Comentarios

Pulsa este icono si opinas que la información está fuera de lugar, no tiene rigor o es de nulo interés.
Tu único clic no la borarrá, pero contribuirá a que la sabiduría del grupo pueda funcionar correctamente.

---

1. 

   #1 silmarillion 03 de mayo de 2005

   He subido la imagen de un breviario aragonés del siglo XV con la imagend del martirio de Santa Eulalia de Barcelona, donde aparece crucificada en una cruz aspada o de San Andres.
   
   El himno correspondiente al rito hispano mozárabe es:
   
   Fulget hic honor sepulchri
   (Die XII Februarii. In festo sanctae Eulaliae virginis Barchinonensis. Ad Vesperum, in Laudibus / 12 de febrero. Santa Eulalia de Barcelona, virgen. Vísperas y Laudes)
   
   Fulget hic honor sepulchri
   Martyris Eulaliae,
   Quem sacro signavit idem
   Passionum stigmate;
   Huc vocat adesse cunctos:
   Convenit occurrere.
   
   Germinis hujus propago,
   Vel caterva confluens,
   Barchinona augusta semper,
   Stirpe aucta insigni,
   Civium florens corona,
   Plebs fidelis inclyta.
   
   Virginem videte vestram,
   Quam sit index gloriae;
   Quae fide probata terret
   Sic furentem judicem,
   Praedicans Crucis honorem,
   Vel salutis Judicem.
   
   Haec enim caesa catomis
   Sistitur equuleo,
   Caeditur, exungulatur,
   Atque flammis uritur;
   Terminum habere laudis
   Inter ista nesciens.
   
   Ambiens Crucis patronum,
   In Cruce suspenditur:
   Corpus illic ad honorem
   Nix polorum protegit:
   Sic calore plena sancto,
   Passionem sustulit;
   
   Hujus ex ore columba,
   Jam solutis artubus,
   Prosilit mire per auras,
   Ceu volatu percito;
   Virginem vicisse clamans
   In supernis sedibus:
   
   Quam tamen Dei puella
   Gestiens praecurrere,
   Lege jam mortis peracta,
   gaudiis adtollitur:
   Sicque risu corporato,
   Corda mulcet flentium.
   
   Lucida felix per orbem
   Barchinon adtolleris,
   Quae sinu pignus retentans
   Tam salubre, tam pium;
   Scilicet, tanti habendo
   Corporis consortium.
   
   O beata sponsa Christi
   Virgo clementissima,
   Suscipe jam singulorum
   Vota, vel suspiria:
   Postulans Christum precatu,
   Quo gementes audiat:
   
   Non iniquis serviamus
   Mente factionibus;
   Non caro jugum rebellis
   Suave Christi renuat;
   Sed sacri caloris omnes
   Sanctitate fulgeant:
   
   Solve quod taedet, quod urget
   Mortis ad perniciem,
   Pestilens morbus recedat;
   Mucro hostis subruat;
   Vita sit tranquilla cunctis;
   Sint quieta tempora:
   
   Civibus occurre, Civis,
   Et salutem porrige;
   Esto sic patrona nobis
   In relatu gratiae,
   Sicut es vicina coelis
   Ad favorem gloriae.
   
   Inter haec admixtus ipse
   Conquirat et Quiricus,
   Qui tui locum sepulchri
   Regulis monasticis
   Ad honorem consecravit
   Sempiterni numinis:
   
   Ut mei post claustra carnis
   Sis memor in aethere;
   Et minus, quod hic peregi,
   Tu valenter suppleas:
   Haec tibi perlata vota,
   Vel camoena consecrans.
   
   Gloria Patri, Natoque
   Semper, et Paraclito;
   Laus, potestas, atque virtus,
   Gratiarum copia:
   Quem Deum cuncta fatentur
   Saeculorum saecula
   Amen.

2. 

   #2 silmarillion 03 de mayo de 2005

   Laudas y segundas vísperas de Eulalia de Mérida, según el rito hispano mozárabe
   
   Laudem beatae Eulaliae
   (Die X Decembris. In festo sanctae Eulaliae, virginis et martyris. Ad Vesperum, in exeunte Vespera / 10 de diciembre. Santa Eulalia de Mérida, virgen y mártir. Laudes y segundas Vísperas)
   
   Laudem beatae Eulaliae
   Puro canamus pectore:
   Quam Christus inter Martyres
   Casto sacravit sanguine.
   
   Quae clausa duris postibus,
   Interque fortes cardines;
   Somni, cibique nescia
   Christum canebat pervigil.
   
   Custos tremendi luminis
   lux stupebat in vinculis:
   In Carceris angustia
   Mentis beatae gaudia.
   
   Judex furore turbidus,
   Surgit cruentis faucibus,
   Et increpat noctis moram,
   Sanctam daturus hostiam.
   
   lentoque primo verbere
   Christi Puella caeditur;
   Sed consecrare pernegat
   libamen aris impium.
   
   Tunc in reciso stipite
   Ductis in altum brachiis,
   latus Puellae caeditur,
   Nudaque flammis uritur.
   
   Victor recedit spiritus,
   Corpus relinquens pallidum;
   Quod lege mortis perditum
   Reducat ad vitam Deus.
   
   Jam jam quieti psallite,
   Patrique laudem dicite,
   Christumque laudemus pium,
   Simulque Sanctum Spiritum.
   
   Haec nos redemit Trinitas,
   Cujus perennis gloria
   In saecla nescit mori,
   Vivens per omne saeculum.
   Amen.

Hay 2 comentarios.
1