Comentarios

Pulsa este icono si opinas que la información está fuera de lugar, no tiene rigor o es de nulo interés.
Tu único clic no la borarrá, pero contribuirá a que la sabiduría del grupo pueda funcionar correctamente.

---

1. 

   #1 Amerginh 03 de mayo de 2006

   Válgame dios!!! interculturalidad... eso por lo menos es pecado ¿no?
   
   Ya sabía yo que el PP estaba en la conspiración judeo-masónica-nacionalista gallega imperialista de conquistar el Xálima... y utilizan "ná menos" que a los púberes de secundaria... oioioioioi
   
   Y ahora, leamos y analicemos la Fala desde una muesra de su literatura actual:
   
   Ala, a leer!!!!!!!!!!!!!!!!!!!
   _______________________________________________________
   
   SELECCIÓN DE LITERATURA EN FALENSE (se dice así???)
   
   Literatura en valverdeiro, mañego e lagarteiro. Vieiros (Libro on-line) 2002: http://mais.vieiros.com/letras2002/libro.pdf
   
   1. Contos de Severino López (lagarteiro)
   
   Hai que afilal a navalla
   Miña güela, que esté en Groria, me contaba ya fai mutu tempu que un
   anu, pur as festas de San Bras, a us homis y dagáis que currían de do pul
   cantal:
   “Hay que afilala,
   hay que afilala;
   hay que afilal a navalla...”
   Y así se tironin to tres días que duró a festa, desde u día da Candelaria
   hasta u últimu día de San Bras. Tos montáus nas caballirías, bebendu viñu
   nas tabelnas y sin paral de cantal un día y oitru:
   “Hay que afilala,
   hay que afilala;
   hay que afilal a navalla...”
   Aquilo ya empezaba a dal empuna. In istu que estaba miña güela na
   calli in un d’aquelis momentus en que pasaba alí un tropel de caballirías. Y
   us homis que as montaban, sempris cun u mismu sonsoneti:
   “Hay que afilala,
   hay que afilala;
   hay que afilal a navalla...”
   Había alí tamén xugandu un dagaliñu que era fillu dunha vidiña y que
   apenas falaba pulque era muy nuviñu. A miña güela, un tanto cansá ya de
   aquela cantinela, le do pur idel:
   -¡Coño, pus ya nun quedará nu lugal niñunha navalla sin afilal”
   U mininu que uivíu aquilu, y dá a corta edái que tiña, nun captó u sintíu
   que miña güela le daba á expresión y exclamó cin candorosha ingenuidái:
   -¡Pus inda nun hemu non afiláu a nosa!
   ¡Ya seyu a puta bruixa!
   U que vus vo a contal le pasó a un tíu mei ya fai mutus anus. Pur
   aquel entoncis inda estaban de moda as bruixas, u mal d’ollu y se itaba
   man de cunjurus pa libralsi d ‘algún torzón molestu, mandándulu pu ollu d
   ‘algún sujetu que le tuveras hincha. Si ú cabu dun par de días siguías cun a
   vista cerrá, se aplicaba oitru remediu que cunsistía en arrimali ú torzón
   unha chavi fría de aquelas grandonas que había antis. Se idía que esti últimu
   remediu era cumu quital a agua de un tolneiru pa oitru. Pero volvamus
   a agarral u fíu du caushu que vamus a contal.
   Meu tío chegó aquel día de viaishi. Había pasau mutas fatigas recorrendo
   to Rebollal pa puel vendel a calguiña de adeiti. Estransíu, entre a
   ma alimentación y u cansanciu, se foi a cama.
   Nun había pasáu meya hora cuandu, presa de unha pesadilla, a mei tíu
   le empezó a fartal a rispiración y, cumu amanotiáu, breguiaba pul movel
   siquera un deu y puel tocal cun él a miña tía que, itá na misma cama ú lau
   del, dulmía placenteiramenti sin intiralsi dus agobius que estaba pasandu u
   sei homi. Pero pul mutus esforzus que feya, y aunque estaba espertu, nun
   cunsiguía movel nin u deu piriquiñu.
   Así estuvu durante dois u tres minutus que a él se le fideran sigrus. U
   caushu é que, despóis de tantus esforzus, logró sascuilsi aquel peshu y,
   sentándusi nu bordi da cama, murmuró entre dentis:
   -¡Naidi é namáis que aquela tía bruixa de cha...! (aquí u nomi da malévola
   mullel, que silenciamus pur obvius mutivus). ¡Cumu a entali amañán
   camiñu du Llanu Millu..., nun va a tel ganas de uivilmi!
   Pero nun foi esta a única ve que a mei tíu le pasó istu aquela noiti: ca
   ve que se tindía de novu na cama, acuia a él aquel supliciu que reforzaba
   nel a idea de tel que aishustali as contas á caushanti de estis malis.
   Istu pasaba abaisu na sala, pero arriba nu fogu estaba u churiceiru, y se
   coñoci que algún gatu había lográu subilsi y colgalsi d’ unha roa de murcelas
   que, cumu estaban inda frescas, acuian a peshu. U gatu tampocu dibía
   estal escasu dau que era na época das matanzas. Fora cumu fosi, u caushu
   é que a corda que sujetaba a roa das murcelas nun do máis de sí y se rompéu,
   dandu cun as custelas du gatu nu solu que, entre u chaspadu que pegó
   y asustáu pur u ruiu du golpi, seyu pur u buracu da porta cumu un fushu.
   Mei tíu que uivíu aquel estruendu, cumu muvíu pur un resorti pegó un
   brincu y sartó da cama alborotáu gritandu: ¡Ya seyu a puta bruixa!.
   _______________________________________________________
   
   2. Un conto e un poema de Domingo Frades (mañego)
   
   Os uficius
   As ténicas, as ciencias ‘adelantan’, cumu idía a Zarzuela, i han desaparecíu
   grandis maestrus de uficius i hasta ferramentas i usus, que enterran
   consigu palabras i sólu se salvan, algun-as, en musseus vivus i vivíus.
   ¿Qué pequeñu ve hoxii os fuellis da fragua de tíu J.?
   Ben tempranu era cuandu tiu J.barruntó andal en sua porta, cumu con
   nervius, a un-a mullirita da Serra. Se asomó, i comprobó que esperaba que
   abrira i preguntó a causa. Quiría agudal a rella do arau pa que o homi,
   cuantu antis poera labral “i asina gañal o xiornalitu pa us filliñus”. A gran
   bondai i profesionaliai do ferreiru o fidu baxial, encendel i preparal. Antis
   de que os fuellis empezaran, tíu J. Le didi: “bueno, ¿dóndi tes a rella? A
   mairugaora mullel eita man da cesta i... “!Vaia por Dios, tiu J., lo agora
   que m’a quidí ‘na mallá!
   Otrus eran un-os manitas arreglandu máquinas de cosel, relojis i otrus
   aparatus, entre otrus gafis do arti. Cuandu algún clienti preguntaba o preciu,
   feitu ia o traballu, surgía algun-a protesta, cumu a de aquela que dixiu:
   “Maire, tres durus por soplali”, “o arti está en sabel dóndi hai que soplal”,
   le constestó o maestru “¡qué filosofía!”
   Sastris i zapateirus deran tamén excelentis Maestrus i sabían gastal
   bromas, entre puntá i puntá. Fendu metel os pes en o barreñón de as solas,
   cumu ritual pa tomal midías dos pes, o algun-a cusquilla a os pequenus
   cumu pa probal as mangas.
   Mandal con un caxión cheu de chatarra i ben cerrau de un sitiu a otru,
   en dia dos Inocentis i, postus de acordu, devolvelo as costas idendu que tiu
   X. se ha confundíu, dili que essi nun é o encargu, era corrienti.
   Dil a por cachus de costanas, pa fel espás i simulacrus de lutas, en sei
   tempu, i acabal con a paciencia de carpinteirus, idíndunus: “¡Fora ia d’aquí,
   firmei a pá de un-a vé!”, o disfrutal dandu voltas a o ventilaol d’as fraguas,
   mentras aguantaban nossa cunvivencia, a tos gustaba. Aquilu de “día
   de agua, taberna o fragua” era norma de conducta. Se inchían, se charreaba
   do divinu i humanu, se “cortaban trajis”; se cunvivía.
   Coñocel a os cesteirus, siguindu sei ritual de fornu, limpal vergas,
   cipilllau, repulgus. Ver hojalateirus fendu tinaxias, cántarus, candís, linternas.
   Albardeirus fendu albardas, sairós, preparandu bálagus. Dulceiras veña
   a batil pa biscochus, madalenas, arrepelaus, brazus gitanus.
   Uficius i apredizaxiis que han dequeidu o desapariciu totalmenti.
   Desde a cuna i o andaol hasta o féretru; desde o pucheiru a a tinaxia pa
   agua, viñus, adeitis; desde os zapatus i botas hasta pelexius o zajós; desde
   as rellas que entran en reidis a as vletas o canalós; desde os calcitís i jersés
   de la lan fiá hasta os millol acabaus trajis de boa; de as peiras dos dinteis a
   as chimeneas o adobis dos albañis; toa un-a restri de historias i recordus,
   que puían siguil por campu, ganaus... Se acaban artistas i artesanías, materiais
   i ferramentas. Morri un vellu o vella i se vai toa un-a historia, un libro
   vivu. ¡Con elis, cuántas palabras desaparecin! Pero nossa Fala viva, cumu
   toas lenguas, van criandu o adaptando otras. Agora temus teléfonu, mister i
   corner, cosechaora, pacas de jenu.
   _____________________________________________________________
   
   Páxiarus
   ¿Qué si diba a níus...?
   Pues, claro que sí.
   Normal, creu que he síu,
   me pareci a mí.
   Hasta, algum-a vé
   fidemus “nuvillus”
   y ben lonxii fomus
   pâ vel algún níu.
   Y hasta creu que é bô,
   si é ben orientau
   tel nociôs de níus
   y tamén de páxarius.
   Coñocel sua vía,
   Sei comportamentu,
   é algu que axiuxaría
   a cualquier labriegu.
   Hay páxiarus útilis
   Que, con os lagartus,
   As râs y lumbridis,
   -y tamén bastardusestán
   traballandu
   sin custal iñeuru,
   paos homis d’ o campu;
   sirvindu de obreirus.
   Asina, a Anduriña,
   Aviôs y mochuelus,
   a mutu mau insectu,
   van cazandu a vuelu
   Tamén as lechuzas,
   Enganapastoris,
   Picanzus y Cucus
   y hasta os Ruiseñoris;
   Y o Gayu o Abubilla,
   Xilgueiru, Curruca,
   Avifría y Garcilla,
   comin mutas plagas
   que a tôs perjudican.
   Hay otrus que, a vedis,
   fain mais mal que ben
   Y por tantu d’ elis
   tamén bô é sabel.
   O Tordu Y a Mérrua,
   a Pega, o Piinchón,
   a Chova y a Alpéndura,
   picotean en tô.
   Y os Corvus y Grallus,
   con as Cutuvías,
   se levan simentis
   antis de nacías.
   Y os Pardais se levan
   tamén boa partía
   ‘ no tempu d’a sega
   ¡Cuántu buscavías!
   O que sepa, explíquimi:
   ¿Qué nos fain as Aguilas,
   y essas Garrapiñas,
   y essis Cerrumíquilis ....?
   -Cazal paxiaritus,
   y as Râs y os Lagartus.
   Issu está ben ditu.
   nos están matandu
   a esis ubriritus
   que, sin cobral nâ,
   están traballandu,
   ¡Ciuiteitus, pubritus!
   Pero, tendi en conta
   que a Naturaleda
   é sabia, nun tonta.
   Hay que comprendela.
   Aprendei de níus
   y d’ a vía d’os páxiarus.
   En esti sintíu,
   tratu de animalvus.
   Hay un equilibriu
   Que hemus de buscal,
   nunca destruindu.
   A ciencia é creal.
   _____________________________________________________
   
   3. Sainetes valverdeiros de Isabel López Lajas (valverdeiro)
   LÓPEZ LAJAS, Isabel. Seis sainetes valverdeiros, ed. de Henrique Costas, Edicións Positivas, 1998.
   
   DIÁLOGO DE DOS COMADRES
   CLARA, anciana y JUANA más joven (La escena es en una calle del pue -
   blo).
   Clara.- Cro que vanin a sacal unha cumedia cua nosa fala, cumadri. Será
   pa rilse un ratu á nosa custa.
   Juana.- Non veis que comu temus esta fala galega, quedrán guasialse.
   C.- U otru día u zagal d´u carabineiru d´a nosas porta me diju, ná máis que
   por rilse de mi: “Tía Clara, ¿están las vuestras netas en casa?” E logu que
   vi qu´era por ficel bulra, pa que supera qu´ei tamén falu castejanu, le diji:
   “Qu´e estejen que no estejen, a ti ná se te empuerta”. Pois encima se riu.
   J.- É que vós non u cortais ben. ¿Cuantus anus tendis ia tía Clara?
   C.- Nen sé se son cuatru durus, se cuatru i mediu. Ei debí nacel cuandu
   viñu Prim.
   J.- ¿Non veis? Agó ia n´u nosu lugal se fala máis finu, se visti máis finu e
   se bebi café. Ei ás miñas zagalas ia l´he comprau panezuelu de cintillas e
   chambra de menudillu e zapatus e medidas colol de carni.
   C.- Ei non queru trampas. U día que me morra non han de pagal trampa
   diñunha miña. U otru día me icían n´a tenda: ”Tia Clara, cómprale usté un
   panizuelo d´estos majos a las zagalas”. Ei le diji: ”Mentras non haiga
   dinero de sobra en casa, no le compro majos. Que se gobernen con lo de
   súa madre, qu´en pa descanse” .
   J.- É qu´us homis son uns tunantis, se non as ven compostas non le sai
   noviu, e asina ben vistías poi sel que le saia un noviu ricu.
   C.- Juana, ei queru qu´as miñas netas sean xabón, non queru estropallus na
   casa.
   J.- Non idis por bo camiñu, Tía Clara. Ha que colocalas de cualquel maneira;
   s´ajorra d´otru lau. Nós pol as miñáns bebemus unha taza de café e
   asina estamus en ayunas jasta mediudía.
   C.- Pois nós almorzamus un bo pratau d´allupatatas. U otru día pasó pola
   porta u siñol médicu e me diju: ”Clara, las vuestras netas no están
   nemias” . Ei me pareci que quisu dicel que estaban regustas.
   J.- Isu volu diría por guasialse, comu están por cevilizal. As miñas zagalas
   vos bailan un frostrós e un chalrestón que dá alegría velas. Pois ¿i a pequena?
   Vos canta “La Peque” que aquilu é un primol oivila. U nosu viciñu se
   pon tontiñu cuandu a oivi: Ai que tripe, ai que tripe de Madrí.
   C.- ¡Ui Juana! Esa palabra pareci que non é coisa boa, non me gusta ná.
   J.- É que vós non entendeis d´estas coisas modernas; us vosus tempus ia
   pasaran.
   C.- É que ná d´isu está n´a dotrina cristiana. Ondi esté unha jota ben cantá
   e bailá, que pasi un caru por mediu, que non se poñan ná d´esis frostrós
   nen d´esis chalrestoñus, nen d´esis tripis nin tripas. Dende que se baila
   tantu agarrau, se ve polu lugar tantu montón, tantu montón d´estercu. Ei ia
   estó c´unha pata aquí e otra n´a sipoltura, pero a que viva algúns aniñus
   máis ten que vel muta coisa, muta coisa.
   J.- Calaivos lá, muller, sempri ha habíu coisas.
   C.- Sempri, pero comu agó, nen a soñal que m´hubera jeitau cuandu era
   moza.
   J.- Ha que tomal us tempus conformi venin.
   C.- Pois ei non queru tumalus nin as miñas netas tampocu, non mos vaian
   a servil de venenu.
   J.- U día de carnaval queru qu´as zagalas se vistan de señuritas. U anu
   pasau toa a noiti estuveran bailandu c´us señuritus.
   C.- Pois mira que tes lá aquela grandi, cuaquel corpachón de banastra que
   estará ben sen panezuelu.
   J.- Ia me vo, que se me fai tardi. Vo a ficel unhas miguiñas de gatu pa
   cuandu veñan elis.
   C.- A barriga non ten cristal.
   J.- (Aparte) Ai que tía canta claru.
   C.- Pois ei vo a frixil un poicu de lombu.-Ai que madris, ai que madris ha
   agó, son a perdición das fillas con tantu maju, cun tantu noviu, cun tantu
   bailu.
   J.- Me vo, porque cun vós non se poi tratal. (Va saliendo) .
   C.- Mal me quieren mis comadres, porque le canto las claridades. (Ya sola
   en escena) . Conchu, comu se olvidó iceli a esta u cantal que desprendí u
   otru día, qué ben le queia a esta caporala: ”A las madres de hoy en día / si
   yo mandara, le diera / sarna, sarampión e tiña / e un año con desipela / e
   los pies llenos de callos/ abañones en la oreja / la lengua llena de glanos
   / e un fuelte dolol de muelas / ataratas en los ojos / e los nelvios sen la
   cuelda/
   E esto le durara siempre / jasta que al fin comprendieran / que solo son
   las curpabres / de que sus hijas se pieldan.
   Telón
   ***
   _______________________________________________________
   
   LA ESCUELA DOMINICAL
   LEOCADIA, su hija ALFONSA y la madrina de ésta, PRUDENCIA.
   (La escena es una habitación de casa humilde donde se encuentran madre e
   hija. Hay un cuadro de Sta Teresa).
   CUADRO 1º
   A.- Que vos he ditu que non voi a esa escuela e non voi.
   L.- Pero ¿por qué, filla, por que non has de dil?
   A.- Porque non. Alí andal entri curas i biatas e sempri camiñu d´a igresia.
   L.- Pero qué filla esta, qué filla esta.
   A.- Idi vós, se tantu vos gusta. E logu non se poi a genti divirtil nin dil au
   bailu.
   L.- Tu jasta u ano que vén non pois dil au bailu, qu´agó inda es pequena e
   logu que non estamus pa gastus; asina pois dil esti aniñu á ´scuela e
   deprendis a puñel u tei nomi e algu de dotrina. Mira que, se non, u señor
   cura non te casa.
   A.- Ai que non me casa...
   L.- P´au anu que vén vendemus us dois cochininus e te compru u panezuelu
   de cen coloris e as argolas.
   A.- Si, comu esti anu cuandu cubrí un diñeiru d´acituna, que me dijestis
   que me comprábais u fíu, e inda está pa lá.
   L.- Pois, comu vaias esti anu á ´scuela te compru to isu.
   A.- Güenu, güenu, dejaimi ca d´escuela. (Entra Prudencia) .
   P. - Cumadri, cumadri...
   L.- ¿Quin é?
   P.- So ei (entra) . De vos dé bos días.
   L.- Toba, porque non quereis: tantu ha d´alí a aquí comu d´aquí a alí. E
   logo he tíu a el cu atrancazu dois o tres días e a pequena cu sarampelu.
   ¿Que andais ficendu?
   L.- Ná, aquí estaba icénduli a esta que cómu non vai a esa escuela dominical,
   pa que deprenda ondi ten a man dereita.
   P.- Claru, isu dibía ficel.
   A.- Si, p´aprendel a dil a misa.
   L.- Si, filla, vas esti aniñu e poi sel que te toqui unhas argolas o algún
   panezuelo. Cumadri, cro que rifan argolas e panezuelus e mutas coisas.
   P.- Isu é u de menus, cumadri, u casu é que vola domeñin lá, que boa falta
   le fai, e qu´u día que se casi naidi teña que icel ná d´ela.
   L.- Ei solu queru que vaia esti anu. É muta sujeción non podel as zagalas
   dil au bailu, cumadri.
   P.- E as madris tamén acompañalas...
   L.- Us ollus sempri son mininus.
   P. Boa coisa pintareis vós lá.
   L.- Ná, ná, ei solu queru que vos sepa lel unha carta e deprendel a falal en
   castejanu e agó há que deprendelu: Tendis que dil en ca d´u médicu o á
   botica o en ca d´u cura, e paeci mal falal comu cá. Comu a zagala ha ´stau
   tantu tempu n´u campu.
   A.- Güenu, güenu, ei me vo, adiós madriña. (Se marcha) .
   P.- Si, bo vilortu está feita, boa saguarza. Mire, esta semana me vo pá vega
   a sachal patatas e m´a levu pa lá, que deprenda a ficel algu, qu´a tendis
   mui dejá, cumadri. Ia vereis comu a metu en centura e vola convezu pa
   que vaia a escuela. Vós non sabeis insinala, mullel.
   L.- Non veis que comu estuvi esti envernu c´u rumatismu, que non me
   pudía mixel, ficía bulra de mi.
   P.- Porque dá con vós. Lástima de verdasca que le queira.
   L.- Non, s´ela é boa, cumadri, s´ela é boa. Non ten máis que le gustan us
   majus, sólu c´u sentíu du bailu, e qu´é algu golosa e me contesta mal, e é
   algu fulgazona; polu demais, se non fora qu´é mui marrana, que non vos
   sabi laval un trapu, non teñu quexa d´ela.
   P.- (Aparte) De tais padris, tais fillus. Güenu, cumadri, qu´á tardi mos
   vamus á vega; que s´aprepari pa toa a semana. Me vo.
   L.- ¿Ondi idis ia, cumadri?
   P.- Si, me vo. Que ten alí a Llonalda un ladrón d´un cuchinu que... polu
   que ve, polu que vos zampa. D´unha ducia d´ovus que eití, ia non me quedan
   máis que tres polus; volus apaña nun airi. Adiel le comeu un polu ia
   grandi a Sebia, que le eitó máis raius au cuchinu qu´us da roa d´unha
   carreta.
   L.- Ei esti anu, con tan poica soidi comu he tíu, non he criau un polu nen
   teñu galiñas. Me pariu a cuchina seis cuchininus e ia non me que dan máis
   que dois; e esis us queru pa comprali á zagala as argolas e o panezuelu.
   P.- Si, e logu trampa alanti. Me paeci a mi que vai a chegal día que non
   idis a encontral quen vos fíi unha fanega de trigu.
   L.- Qué le vamus a ficel, nós tamén hemus síu mozas.
   Telón
   ___________________________________________________________
   
   CUADRO 2º
   (Leocadia está trajinando en casa y llega Prudencia)
   P.- (Desde fuera) Cumadri, eh cumadri.
   L.- Subí, Prudencia.
   P.- ¿Viñu ia a zagala?
   L.- Non, cumadri. Agó está n´a escuela dominical, que está ensaiandu uns
   versus pa jeitali a Sta. Teresa, qu´é a maiordoma d´a escuela. Si viris,
   cumadri, en mediu anu que fai que vai lá, non pareci a mesma. Ia non é tan
   respondona e é limpa comu a china d´u ríu; agó me fai mudalmi a camisa
   tos us dumingus. Mireili, m´ha feitu currucu.
   P.- ¿Veis que ben estais asina?
   L.- I m´ha feitu dil a misa ia cincu o seis dumingus, e quer que me confesi
   esti anu. Si viris comu corta u castejanu... está deprendendu uns vesus que,
   cuandu volus di, paeci que está n´un teatru.
   P.- ¿Non vos icía ei que tiñis que domeñala e que ná millor que levala a
   esa escuela por isu, porque vós sois unha pamema?
   L.- Ia non s´acorda d´us majus, non ten máis qu´u postu, camisiñas é que
   ten dúas. En xabón é que me gasta algu.
   P.- Asina estais vós de limpa agó. Us probis, estandu limpus estamos ben,
   non necesitamus majus.
   L.- U otru día le diji por oivila: Eh, filla ¿ques que le diga á túa madriña
   que le diga au sei zagal que se faga tei noviu?
   P.- Vaia unha gramática parda que gastais, cumadri. U mei fillu non necesita
   novia, qu´é mui novu agó.
   L.- Non penseis qu´a miña zagala vai descalza u día que se casi, que, cuandu
   ei me morra, le queda un rinconciñu de casa ondi arrecollelsi e u quintal
   d´as Chupenas. E ei volu icía de groma, cumadri.
   P.- Non me gustan esas gromas.
   L.- Pois ¿sabis que diju ela? -Ei non queru noviu jasta que non me vaia a
   casal i solu por tres o cuatru mesis- ¿E si non u encontras apois, filla? -Si u
   encontru, ”que la cuba de güen vino no necesita bandera” . Ai cumadri,
   me quedí espantá.
   P.- Porque ten máis cuñecimentu que vós. Mira agó, andali ia con novius á
   zagala. (Entra Alfonsa) .
   A.- (Desde fuera) Ai María.
   L.- Sen pecau concebía.
   A.- Bos días vos dé Dios.
   P.- Ven con Dios, filla. ¿De ondi vés?
   A.- D´a escuela, tía Prudencia. ¿Comu vos vai?
   P.- Vaia, sempri comu agó. Qué ¿te gusta dil á ´scuela?
   A.- Comu que ia non pensu quitalmi hasta que non me vaia a casal. E isu
   que miña madri non quería que fora máis que un anu porque di que le
   gastu mutu xabón e que non vo a encontral con que casalmi.
   P.- Velaí, velaí por que non chovi.
   L.- Vamus, vamus, cálati e leli á madriña us versus que vas a jeitali a Santa
   Teresa... mira pá Santiña, filla... mira pá Santiña...
   Telón
   _____________________________________________________________
   
   UNA SIRVIENTAY SU AMIGA
   EUSEBIA, sirvienta y su amiga QUITERIA.
   (La escena es una habitación de casa acomodada, donde se encuentra
   Eusebia y llega su amiga).
   Eusebia.- (Deletreando en un libro) . La M y la A, TA; la P y la Y, SI...
   Quiteria.- (Desde la puerta) Sebia... eh, Sebia...
   E.- Sssss...., fala máis baju, que está eitá a ama.
   Q.- ¿Qué fais cuesti libru n´a man?
   E.- Me está insinandu a lel.
   Q.- Vamus au bailu.
   E.- Jasta que non s´alevanti non me podu menial d´aquí.
   Q.- Que vida, cumel e durmil comu us cochinus.
   E.- Non falis tan altu, mullel, por non oivila...
   Q.- ¿Inda te reñi cuandu vas au bailu?
   E.- Inda e por cualquel coisa.
   Q.- Ei non aguantaba.
   E.- U otru día, porque me soí us mocus c´us deus, cuandu estaba ficendu
   de cumel, me estuvo reñendu unha camá de ratu.
   Q.- Qu´asiada es mi suegra
   E.- Otru día, porque agarrí unha barreña d´u vasal pa pendalmi, tamén me
   estuvu reñendu mutu tempu.
   Q.- Vaia, vaia cua tía. Vaiti a servil ondi non te reñan tantu e te dejin sél i
   entral.
   E.- Pois mira, ei le teñu lei á miña ama.
   Q.- Boa gana tuveras.
   E.- Tamén se ri cuimigu algunhas vecis: u otru día se rompeu a redoma d´u
   viñu, qu´a tiró u gatu d´ancima d´a mesa, e ei, pa que supera que non había
   siu ei, le diji: ”El gato ha rompido la boteja de vino”. Estuvu rínduse
   mediu día. Tamén se le perdeu a correa d´u hábitu e ei la encontrí embaju
   d´unha silla e fui correndu: ”Ya pareció la correna” e se pusu a ril e estuvo
   toa a tardi dobrá de tantu rilse.
   Q.- Cuas pachuchás túas, ¿quen non s´ha de ril?
   E.- Estó aguantandu mutu, pero non me fallu n´otra casa.
   Q.- Ben se guasean de ti.
   E.- A otra noiti estaba tocandu e falandu a raiu, cuandu me fui a jeital, e
   estuveran jasta as doci lumenus oivíndua; ei non me pudía dormil, jasta
   que diji altu: “Cudiao con la rayu que te parta, que no me deja pegal
   ojo” . U señol se pusu feitu un basiliscu: ”¡Que mochacha, qué mochacha
   tan sarvaje!” .
   Q.- Anda, que s´aguantin elis. Ponti a servil n´otra casa. D´aquí a ná te sai
   noviu e te casas o te juntas e non aguantas máis amus.
   E.- Non, ei non queru isu; cuandu teña tempu me casaré como se casó
   miña madri e comu se casó miña agüela. Si te ouvira miña ama... Cada ve
   que falan de juntamentu a levan us demoñus e leva razón. D´aquí a ná non
   se vai a casal diñunha moza comu Dios manda. Ei agó teñu bo pratu e boa
   cama e gañu pa vistilmi e diñún borrachu me dolma as custelas. Ia chegará
   u tempu e me casaré comu di a lei de Dios; to u demais é fozal n´u ló.
   Q.- Madri, qué fina te vas ficendu pa falal; te insinará a túa ama a gramática
   parda.
   E.- Non m´insina. Pero ei ia vo deprendendu mutas coisas; sé idel canestrillu,
   haija, rumáticu e hasta aus frenjóns brancus le chamu judías. Claru
   qu´é porque asina le gusta a ela, qu´a min non m´ha feitu ná mau.
   Q.- Vaia unha siñora inglesa. Comu dera cuimigu, ei le insinaría a puñel
   nomis a naidi. Estás n´unha incrisición. Con tal que te dé algunha ve algu e
   que non te fechi ná pa que podas sixal, pa ajuda dus gastus...
   E.- Isu si que non; ei non le quitu ná a naidi. S´ela me quel, a otra noiti foi
   ela mesma a puñelmi un centupés na cama.
   Q.- Anda, e ben que te quel, sería pa que te picara.
   E.- Non muller, se foi pa que non pasara fríu; é unha culchina pequena con
   lan por dentru que se chama asina. De to me pasa, ratus bos e ratus maus.
   U otru día estuvu cá súa ermana a vela e a levó au fugal pa que me vira; le
   icía: ”Te voy a enseñal la duméstica que tengo, e quiero que la oigas
   habral; hábrale argo a mi helmana” . Ei estaba picandu as litugas e le diji:
   ”Le gustan a osté los cogojos enteros o picaos” . Ei pensí que se tiraban
   n´u solu a revolcalse de risa. Depois que le pasó aquela risa le diji: ”¿Le
   echo la sal a la cocina?” E veña otra escagallá de risa. ”Chica, chica,
   eres un poltento, te voy a lleval a Madrí pol lo fina qu´eres” .
   Q.- Ah, desgraciá, estás ficendu de mona e non u sabis.
   E.- Tamén m´ensina a cosel; ia sé ital pezas d´as cuatru esquinas, comu le
   chama ela aus rumendus que non son de charpa.
   Q.- Isu se deja pa genti rica. ¿Comu se chama istu?
   E.- Isu se chama u bombu.
   Q.- Peru non é como us d´us titarateirus. ¿Por ondi se toca?
   E.- Ei non u he vistu nunca tocal. Sempri anda u siñol p´arriba e p´abaju
   cuel.
   Q.- Bo calamal está feitu tei amu.
   E.- Cati lá, mullel, mia que tes unhas coisas.
   Q.- ¿Pa que tenin estas almofás postas n´u solu?
   E.- Esas non son almofás.
   Q.- ¿É que non? E ben bradintas qu´están.
   E.- Que non son almofás, muller, a isu le chaman cujinis.
   Q.- ¿Cujinis?... Us señoritus to u icin au ruvés.
   E.- U otru día me faló miña ama de ti: ”Tu amiga qué inorante está jecha,
   güena farta le hace deplendel el catacilmo”.
   Q.- A ela si le fia falta, a tía calandaria. A mi u que me fai falta son durus
   n´a faldiqueira; ela que se meta n´as súas vidas.
   E.- Mullel, s´é porque te quel.
   Q.- Me vo, porque estó aquí toa a tardi oivindu tontás e perdendu de bailal,
   porque cuandu s´alavanti ela, pa que non te vaias tan prontu, te dirá:
   ”halme el chicolate”, e jasta miñán a estas horas.
   E.- Fai u que queiras, pero sen u sei premisu non me movu d´aquí.
   Q.- Oi qué pulítica vas itandu, comu non dejin d´insinalti vas a chegal a
   biata.
   E.- Quen sabi, comu esté mutu tempu n´esta casa poi sel que si, poi sel que
   miña ama me domeñi.
   Q.- Non queru contas / cu´as que son biatas / qu´en to u da igresia / metin
   a pata. / Ei queru mang´ancha / cumel i bebel / que mutu tempu teñu / pa
   ben morrel.
   E.- Pois ei queru tel honra / e vivil temerosa / porque solu se morri / unha
   ve sola / e aunque aquí pasi / mutus traballus / que Dios me dé pacencia /
   pa ben levalus / e me sirvan de chavi / pa u ceu gañalu.
   Telón
   

Hay 1 comentarios.
1